एक एक गर्दै बहुचर्चित नक्कली भुटानी शरणार्थी प्रकरणमा मुछिएर पुर्पक्षका लागि कारागार चलान भएकाहरु छुटिरहेका छन् ।पछिल्लो पटक भुटानी शरणार्थी नेता टेकनाथ रिजाल अदालतको आदेशपछि धरौटी बुझाएर बुधबार रिहा भएका छन्।उक्त मुद्दामा सात महिना हिरासतमा बसेका नेता रिजाल धरौटी बुझाएर बुधबार रिहा भएका हुन्।
उनलाई गत मंसिर १५ गते नै उच्च अदालत पाटनले १५ लाख रूपैयाँ धरौटीमा छाड्न आदेश दिएको थियो।
तर धरौटी रकम बुझाउन नसक्दा रिजाल थप झन्डै एक महिना सुन्धारा कारागारमै रहनुपरेको उनका सहयोगी विश्वनाथ क्षेत्रीले जानकारी दिए। रकम बुझाएपछि रिजाल रिहा भएका हुन्।रिहाइपछि रिजालले आफ्नो पक्षमा सहयोग गर्ने सबैलाई धन्यवाद दिए।
शरणार्थी प्रकरणमा पुर्पक्षका लागि जेल परेका पूर्वगृहमन्त्री बालकृष्ण खाँण उच्चको आदेशअनुसार जिल्ला अदालतमा ३० लाख र सम्पत्ति शुद्धीकरण विभागमा १५ लाख रूपैयाँ बुझाएर रिहा भइसकेका छन्।
पूर्वउपप्रधानमन्त्री टोपबहादुर रायमाझीका छोरा सन्दीप, आरोपी नरेन्द्र केसी, हरिभक्त महर्जन, शमशेर मियाँ र रामशरण केसीले पनि तोकिएको रकम बुझाएर रिहा भइसकेका छन्। उक्त प्रकरणमा अब मात्र पूर्वसचिव टेकनारायण पाण्डे, पूर्वउपप्रधानमन्त्री रायमाझी, इन्द्रजीत राईलगायत पुर्पक्षका लागि कारागारमै छन्।
Spread the loveभोजपुरको विभत्स हत्या: अन्तरजातीय प्रेम विवाह र पारिवारिक… Read more: अन्तरजातीय प्रेम विवाहले निम्त्यायो चारजनाको मृत्यु
Spread the loveसंकट जुन समयमा पनि आउन सक्छ, संकटको समयमा,… Read more: नेपालमा आपतकालीन नम्बरहरू
Spread the loveनेपाल आयल निगमले पेट्रोलियम पदार्थहरूको मूल्य घटाएको छ,… Read more: घटायो नेपाल आयल निगमले पेट्रोलको मूल्य
Spread the loveनाशवानको नाशगर्ने सत्यको दियोमा प्रज्योल कोर्ने नयनरुपि प्रकाश… Read more: तिमि है मेरो
Spread the loveसमयले शुन्य बनायो सपनाको खोजिमा सिडि उक्लदै थिए… Read more: समयले शुन्य बनायो
Spread the loveतिमि मेरा लागि जुनको सितल है अधेरीमा उज्यलो… Read more: कविता : तिमि मेरा लागि
Spread the loveसाथि म लागे जिम्मेबारी छ म मा यि… Read more: कविता : साथि म लागे