जापानमा एकैपटक १३ मन्त्री परिवर्तन, के पाउलात जनताको विश्वास

       सरकारप्रति जनताको विश्वास घट्दै गएपछि जापानका प्रधानमन्त्री फुमियो काशिदाले मन्त्रिपरिषद् हेरफेर गरेका छन् । बुधबार घोषणा गरिएको यो कदम सरकार र काशिदाको सत्तारुढ प्रजातान्त्रिक पार्टी (एलडीपी) मा घटेको विश्वासको प्रतिक्रियाको रूपमा आएको हो।

२ वर्षमा प्रधानमन्त्री काशिदाले आफ्नो कार्यकालमा दोस्रो पटक मन्त्रिपरिषद् हेरफेर गरेका थिए । यो पछिल्लो फेरबदलले मन्त्रिपरिषद्को संरचनामा ठूलो परिवर्तन देखाएको छ, १९ मध्ये १३ मन्त्री परिवर्तन हुँदैछन्। यीमध्ये ११ मन्त्रीले पहिलो पटक मन्त्रिपरिषद्को जिम्मेवारी सम्हालने छन ।

बुधबार गरिएको घोषणा अनुसार अर्थमन्त्री शुनिची सुजुकी, मुख्य क्याबिनेट सचिव हिरोकाजु मात्सुनो र उद्योगमन्त्री यासुतोशी निशिमुरा जस्ता प्रमुख क्याबिनेट पदहरू यथावत रहनेछन्। यो निर्णय निर्णायक भूमिकामा स्थायित्व कायम गर्ने उद्देश्यले गरिएको देखिन्छ।

 योशिमासा हयाशीको स्थानमा पूर्व न्यायमन्त्री योको कामिकावालाई विदेश मन्त्रीमा नियुक्त गरिएको छ। यो परिवर्तन संगै अब मन्त्रिपरिषद्मामा  पाँच जना मन्त्रि महिला हुनेछन, यो कदम सम्भवतः लैङ्गिक प्रतिनिधित्वको चिन्तालाई सम्बोधन गर्न र सरकारलाई  फराकिलो बनाउनको लागि हो।

विशेष गरी राष्ट्रिय पहिचान प्रणाली, मूल्यवृद्धि र मुद्रास्फीतिका विषयमा जनताबाट आलोचना भएपछि मन्त्रिपरिषद् पुनर्गठन भएको हो । यी मुद्दाहरूले काशिदाको लोकप्रियतामा गिरावट ल्याएको थियो, जसले जनताको विश्वास पुन: प्राप्त गर्ने आशा गरिएको छ ।