अष्ट्रेलिया विरुद्धको टी–२० सिरिजको उपाधि भारतले जितेको छ । शुक्रबार राति भएको चौथो तथा अन्तिम खेलमा भारतले अष्ट्रेलियालाई २० रनले पराजित गर्दै एक खेल बाँकी रहँदै सिरिज जितेको हो ।
रायपुरको शहीद वीर नारायण सिंह अन्तर्राष्ट्रिय क्रिकेट रंगशालामा भारतले दिएको १७५ रनको लक्ष्य पछ्याएको अष्ट्रेलियाले सात विकेट गुमाएर १५४ रन मात्रै बनाउन सकेको थियो । ट्राभिस हेडले गरेको विस्फोटक ब्याटिङको सुरुवात सकिए पनि उनी आउट भएपछि अस्ट्रेलियाले आफ्नो इनिङ्सलाई स्थिरता दिन संघर्ष गरेको थियो । हेडले आक्रामक पारी खेल्दै ४.४ ओभरमा ५ चौका र एक छक्कासहित ३१ रन बनाएर अक्षर पटेलको बलिङमा मोक्ष कुमारको हातमा कैच बने ।
त्यसअघि भारतका रवि बिश्नोईले ओपनर जोस फिलिपलाई ३ रनमा बोल्ड गरेका थिए। दुवै ओपनर प्रारम्भिक आउट भएपछि बेन म्याकडर्मोटले १९ रन, आरोन हार्डीले ८ रन, टिम डेभिडले १९ रन, म्याथ्यु सर्टले २२ र नाथन एलिसले २ रन जोडे। आउट हुनु अघि ३६ रन।
बलिङतर्फ भारतका लागि अक्षर पटेलले ३, दीपक चाहरले २ तथा रवि बिश्नोई र आवेश खानले एक–एक विकेट लिए ।
यसअघि टस हारेर पहिले ब्याटिङ गरेको भारतले ९ विकेट गुमाएर १७५ रनको लक्ष्य दिएको थियो । भारतका लागि रिंकु सिंहले २९ बलमा ४ चौका र २ छक्का प्रहार गर्दै सर्वाधिक ४६ रन बनाए । अन्य उल्लेखनीय योगदान यशस्वी जैसवाल (३७ रन), रुतुराज गायकवाडले ३२ रन र जितेश शर्माले ३५ रन बनाएका थिए ।
अष्ट्रेलियाका लागि बलिङतर्फ बेन द्वारशुइसले ३, जेसन बेहरेनडर्फ र तनवीर सांघाले २/२ विकेट लिए भने आरोन हार्डीले १ विकेट लिए ।
चौथो खेलमा यो जितसँगै भारतले सिरिजमा ३–१ को अग्रता लिएको छ ।
Leave a Reply