मेस्सीको जादुमय दुई गोलले अर्जेन्टिना विजय

 कप्तान लियोनल मेस्सीको जादुमय दुई गोलको सहयोगमा अर्जेन्टिनाले बुधबार फिफा विश्वकपका लागि दक्षिण अमेरिकी छनोट खेलमा पेरुलाई २–० ले पराजित गरेको छ ।

यो सन् २०२६ फिफा विश्वकप छनोटमा अर्जेन्टिनाको लगातार चौथो जित हो। पेरुको एस्टाडियो नासियोनल डे लिमामा भएको खेलको ३२औं र ४२औँ मिनेटमा मेस्सीले गोल गरेका थिए । यो नतिजासँगै अर्जेन्टिनाले चार खेलबाट १२ अंक जोडेको छ र तालिकाको शीर्ष स्थानमा छ । अर्कोतर्फ, पेरुले चार खेलबाट एक अंक मात्र जोडेको छ र हाल नवौं स्थानमा छ।

मेस्सी विश्वकपका लागि दक्षिण अमेरिकी छनोटमा सर्वाधिक ३१ गोल गर्दै सर्वाधिक गोलकर्ता बनेका छन् । उरुग्वेका लुइस स्वारेज २९ गोलसहित दोस्रो स्थानमा छन् । अर्को खेलमा पाँच पटकको विश्वकप च्याम्पियन ब्राजिलले उरुग्वेलाई २–० ले हराएको थियो भने ४२ औं मिनेटमा डार्विन नुनेजले गोल गर्दै उरुग्वेलाई अग्रता दिलाएका थिए । चार खेल पछि, उरुग्वे र ब्राजिल दुबैले सात अंक जोडेका छन्, उरुग्वे गोल भिन्नताको आधारमा दोस्रो स्थानमा छ भने ब्राजिल तेस्रो स्थानमा छ।