चिनमा लाइफ इन्स्योरेन्सका अध्यक्षलाई कैदसहित मृत्युदण्डको सजाय

 चिनमा चाइना लाइफ इन्स्योरेन्स समूहका पूर्व अध्यक्ष तथा कम्युनिष्ट पार्टीका पूर्व नेता वाङ बिनलाई पैसा हिनामिना र बचत विदेशमा लुकाएको अभियोगमा मङ्गलबार दुई वर्षको कैदसहित मृत्युदण्डको सजाय सुनाइएको छ ।

चीनको पूर्वी शानडोङ प्रान्तमा रहेको जिनानस्थित मध्यवर्ती जन अदालतले यो फैसला सुनाएको हो । वाङमाथि सन् १९९७ देखि २०२१ सम्म विभिन्न वित्तीय संस्थामा आफ्नो पदको दुरुपयोग गरी आफूलाई फाइदा पुर्‍याउन र अवैध रूपमा करिब ३२ करोड ५० लाख युआन (करिब ५ करोड अमेरिकी डलर) नगद र बहुमूल्य सम्पत्ति जम्मा गरेको आरोप लागेको थियो। अप्रत्यक्ष रूपमा आफ्ना आफन्तहरू मार्फत उनले यो कार्य गरेको पुष्टि भएको थियो ।

उनले सन् २०१२ को जनवरीदेखि सन् २०२१ को विचमा हङकङमा आफ्ना आफन्तले खोलेको खातामा पाँच करोड ६४ लाख २० हजार युआन युआन बराबरको विदेशी मुद्रा लुकाएको र बचत लुकाएको खुलासा भएको छ ।

फैसला अनुसार, वाङले  कारावासको सजाय भोग्नु पर्नेछ, किनकि उनी दुई वर्षको छुटसहित मृत्युदण्डको अधीनमा छन्। दुई वर्षको जेल सजाय पछि, उनको सजाय जन्मकैदमा परिणत हुने छ।

यो निर्णयले उच्च पदस्थ अधिकारीहरूका बीचमा पनि भ्रष्टाचार र वित्तीय दुराचारलाई रोक्ने चीनको दृढ संकल्पको बारेमा बलियो सन्देश दिन्छ।