एसिया कपको सुपर फोरको बहुप्रतिक्षित खेलमा भारतले पाकिस्तानलाई पराजित गरेको छ ।
भारतले यस एकदिवसीय अन्तर्राष्ट्रिय (ओडीआई) खेलमा २२८ रनको अन्तरले ऐतिहासिक जित हासिल गर्यो, जुन हालसम्मको समयमा पाकिस्तानमाथिको सबैभन्दा महत्त्वपूर्ण जीतमध्ये एक हो। यो जितले पाकिस्तान विरुद्धको एकदिवसीयमा भारतको सबैभन्दा ठूलो जितको अन्तरलाई हो, जुन पहिला २००८ मा १४० रनले जित्दा उनीहरूको अघिल्लो रेकर्ड थियो।
सोमबार राति भएको खेलमा भारतले पाकिस्तानलाई ३५७ रनको विशाल लक्ष्य दिएको थियो । यो कठिन चुनौतीको सामना गर्दै आएको पाकिस्तानले ३२ ओभरमा १२८ रन मात्रै बनाउन सफल भयो । पाकिस्तानका लागि सलमान र इफ्तिखार अहमदले सर्वाधिक २३ रनको योगदान दिए ।
भारतको जितमा स्पिनर कुलदीप यादवले ८ ओभरमा मात्र २५ रन दिएर ५ विकेट लिएको असाधारण प्रदर्शनले बलियो बनाएको थियो। जसप्रित बुमराह, हार्दिक पाण्ड्या र शार्दुल ठाकुरले पनि १-
१ महत्वपूर्ण विकेट लिए ।
यो खेलमा पहिला भारतले ब्याटिङ गरेको थियो। जहा ५० ओभरमा २ विकेट गुमाएर कुल ३५६ रन बनाएको थियो। विराट कोहलीले ९ चौका र ३ छक्का प्रहार गर्दै उल्लेखनीय १२२ रन बनाए। भारतका ब्याटम्यानले शानदार प्रदर्शन गरेको थियो। केएल राहुलले पनि १२ चौका र २ छक्का सहित १११ रनको उत्कृष्ट पारी खेल्दै निर्णायक भूमिका खेले।
कप्तान रोहित शर्माले ६ चौका र ४ छक्का प्रहार गर्दै ५६ रनको योगदान दिए भने युवा ब्याट्सम्यान शुभमन गिलले १० चौका प्रहार गर्दै ५८ रन बनाए । पाकिस्तानका शादाब खान र शाहिन अफ्रिदीले समान १–१ विकेट लिएका थिए ।
आइतबार प्रतिकूल मौसमका कारण खेल सुरुमा स्थगित भएको थियो भने भारतले २४.१ ओभर बलिङमा १४७ रनमा २ विकेट गएको थियो। खेल पुन: सोमबार त्येहिबाट सुरुभएको थियो ।
आगामी मंगलबार हुने खेलमा भारतले सुपर फोर चरणमा आफ्नो जित कायम राख्ने लक्ष्यमा श्रीलंकासँग खेल्नेछ।
Leave a Reply